ສົ່ງ Resume ໄປແລ້ວກໍຖ້າ...
ຖ້າໄປຈັກໜ້ອຍ ກໍຍັງງຽບ...
ແລ້ວກໍເລີ່ມສົງໄສວ່າບັນຫາມັນຢູ່ໃສ?
.
ດັດແກ້ Template ໃໝ່ກໍແລ້ວ
ເພີ່ມຂໍ້ມູນເຂົ້າໄປອີກກໍແລ້ວ
ແຕ່ໂທລະສັບກໍຍັງບໍ່ໂທມາຢູ່ດີ
.
ເຮົາເຂົ້າໃຈຄວາມຮູ້ສຶກນັ້ນດີ
ແລະ ສິ່ງທີ່ຢາກບອກຄື ບັນຫາສ່ວນໃຫຍ່
ບໍ່ໄດ້ຢູ່ທີ່ປະສົບການ, ບໍ່ໄດ້ຢູ່ທີ່ຄວາມງາມຂອງ Resume
ແຕ່ຢູ່ທີ່ວ່າ Resume ຂອງທ່ານ ຕອບຄຳຖາມໃນຫົວຂອງ HR ໄດ້ຫຼືບໍ່?
.
HR ທຸກຄົນມີສິ່ງທີ່ຊອກຫາຄືກັນ
ແລະ Resume ທີ່ໄດ້ຮັບສາຍໂທລະສັບ
ຄື Resume ທີ່ໃຫ້ສິ່ງນັ້ນໄດ້ ຕັ້ງແຕ່ຕອນທຳອິດທີ່ເປີດເບິ່ງ
.
1.) ງາມບໍ່ສຳຄັນ, ອ່ານແລ້ວເຂົ້າໃຈເລີຍສຳຄັນກວ່າ
.
HR ບໍ່ໄດ້ນັ່ງຊົມເຊີຍ Resume ທີ່ດີຊາຍ (Design) ງາມ
ພວກເຂົາແຄ່ຊອກຫາຂໍ້ມູນທີ່ຕ້ອງການໃຫ້ເຈິໄວທີ່ສຸດ
ຍິ່ງເຈິໄວ, ໂອກາດທີ່ພວກເຂົາຈະໂທຫາທ່ານຍິ່ງສູງ
.
2.) Template ແພງບໍ່ຊ່ວຍ ຖ້າໃສ່ຜິດບ່ອນ
.
ຊື້ Template ງາມໆມາ ແລ້ວຍັດຂໍ້ມູນເຂົ້າໄປໃຫ້ຄົບ
ແຕ່ຖ້າຂໍ້ມູນທີ່ HR ຕ້ອງການ ບໍ່ໄດ້ຢູ່ໃນຈຸດທີ່ພວກເຂົາແນມເບິ່ງກ່ອນ
Resume ນັ້ນກໍຖືກຂ້າມໄປຄືກັນ
.
3.) ເປີດມາແລ້ວຮູ້ທັນທີວ່າຄົນນີ້ແມ່ນໃຜ?
.
HR ມີຄຳຖາມດຽວໃນຫົວຕະຫຼອດເວລາທີ່ສະແກນ (Scan) Resume ວ່າ "ຄົນນີ້ແມ່ນໃຜ? ເຮັດຫຍັງ? ຊ່ວຍບໍລິສັດໄດ້ບໍ່?"
Resume ທີ່ຕອບໄດ້ຕັ້ງແຕ່ 3 ແຖວທຳອິດ ຄື Resume ທີ່ໄດ້ຮັບສາຍໂທລະສັບ
.
3 ຂໍ້ນີ້ ບໍ່ໄດ້ຕ້ອງການ Template ແພງໆ, ບໍ່ຕ້ອງການດີຊາຍພິເສດ
ແຕ່ຕ້ອງຮູ້ວ່າ HR ກຳລັງຊອກຫາຫຍັງ ແລ້ວໃສ່ສິ່ງນັ້ນໃຫ້ພວກເຂົາເຫັນຕັ້ງແຕ່ທຳອິດ
.
Resume ຂອງທ່ານ ຕອບຄຳຖາມໃນຫົວ HR ໄດ້ຕັ້ງແຕ່ແຖວທຳອິດແລ້ວ ຫຼື ຍັງ?
ຄົນທີ່ກັບໄປປັບ Resume ໃຫ້ຖືກຈຸດກ່ອນສົ່ງ ບອກວ່າເລີ່ມໄດ້ຮັບສາຍໂທລະສັບໄວເລີຍເກີນຄາດ.