108Jobs 🤝 ຈັບມືກັບຄະນະອັກສອນສາດ ມະຫາວິທະຍາໄລແຫ່ງຊາດເພື່ອຍົກລະດັບອາຈານຄະນະອັກສອນສາດ ເປັນທີ່ປຶກສາອາຊີບຫວັງແກ້ປົມນັກສຶກສາຈົບໃໝ່ວ່າງງານ💪

108Jobs ຈັບມືກັບຄະນະອັກສອນສາດ ມະຫາວິທະຍາໄລແຫ່ງຊາດຍົກລະດັບອາຈານຄະນະອັກສອນສາດ ເປັນທີ່ປຶກສາອາຊີບຫວັງແກ້ປົມນັກສຶກສາຈົບໃໝ່ວ່າງງານ

ບໍລິສັດ 108Jobs (ຮ້ອຍແປດພັນເກົ້າກຣຸບ) ຮ່ວມມືກັບ ຄະນະອັກສອນສາດ ມະຫາວິທະຍາໄລແຫ່ງຊາດ (ມຊ) ເປີດໂຕໂຄງການຍົກລະດັບສັກກະຍະພາບຄູ-ອາຈານ ສູ່ການເປັນທີ່ປຶກສາດ້ານອາຊີບ ເພື່ອຕຽມຄວາມພ້ອມໃຫ້ນັກສຶກສາກ່ອນກ້າວເຂົ້າສູ່ຕະຫຼາດແຮງງານຕົວຈິງ ໂດຍມີກຳນົດໄລຍະເວລາຮ່ວມມື 1 ປີ ຫວັງຫຼຸດຜ່ອນຊ່ອງຫວ່າງລະຫວ່າງທັກສະຂອງນັກສຶກສາ ແລະ ຄວາມຕ້ອງການຂອງພາກທຸລະກິດ

ພິທີລົງນາມໃນບົດບັນທຶກຂໍ້ຕົກລົງ (MOA) ດັ່ງກ່າວ ໄດ້ຈັດຂຶ້ນຢ່າງເປັນທາງການ ທີ່ຄະນະອັກສອນສາດ ມຊ ວັນທີ 26 ພຶດສະພາ 2026 ທີ່ຜ່ານມານີ້ໂດຍການລົງນາມຂອງ ທ່ານ ແກ້ວວີສຸກ ດາລາສານ ຜູ້ອຳນວຍການບໍລິສັດ 108Jobs ແລະ ທ່ານ ປອ ນາງ ທອງມາລາ ໂພຄຳ ຫົວໜ້າຄະນະວິຊາ ຄະນະອັກສອນສາດ ມຊ ພ້ອມດ້ວຍຄະນະບໍລິຫານ ແລະ ຄູ-ອາຈານ ທັງສອງຝ່າຍ.

ຈຸດເດັ່ນຂອງການຮ່ວມມືໃນຄັ້ງນີ້ ມີ 2 ປະເດັນຫຼັກຄື:

1.⁠ ⁠ການປັ້ນຄູໃຫ້ເປັນໂຄດ(Training of Trainers - TOT): 108Jobs ຈະນຳເອົາຊ່ຽວຊານເຂົ້າມາຝຶກອົບຮົມໃຫ້ຄູ-ອາຈານ ກ່ຽວກັບຫຼັກການແນະນຳອາຊີບ, ເຕັກນິກການຂຽນເອກະສານສະໝັກວຽກ ແລະ ການສຳພາດ ເພື່ອໃຫ້ອາຈານສາມາດສົ່ງຕໍ່ຄວາມຮູ້ໃຫ້ນັກສຶກສາໄດ້ຢ່າງຍືນຍົງ.

2.⁠ ⁠ການສຳຫຼວດຕິດຕາມຜົນ (Tracer Study): ຈະມີການເຮັດບົດສຳຫຼວດການນຳຮອຍການຈ້າງງານຂອງນັກສຶກສາທີ່ຈົບໃໝ່ ເພື່ອເອົາຂໍ້ມູນມາເປັນແນວທາງໃນການພັດທະນາຫຼັກສູດການຮຽນ-ການສອນ ໃຫ້ແທດເໝາະກັບຄວາມຕ້ອງການຂອງຕະຫຼາດແຮງງານໃນປັດຈຸບັນ.ໃນໄລຍະແຜນງານໄລຍະຕົ້ນໃນປີ 2026 - 2027

ທາງດ້ານ ບໍລິສັດ 108Jobs ໄດ້ສະແດງຄວາມຂອບໃຈຕໍ່ ຄະນະອັກສອນສາດ ມຊ ທີ່ໄດ້ເປີດກວ້າງ ແລະ ອຳນວຍຄວາມສະດວກດ້ານສະຖານທີ່ ແລະ ການປະສານງານ ເພື່ອຮ່ວມກັນຂັບເຄື່ອນໂຄງການນີ້ໃຫ້ບັນລຸຜົນສຳເລັດ ຖືເປັນອີກໜຶ່ງກ້າວສຳຄັນໃນການພັດທະນາຊັບພະຍາກອນມະນຸດຂອງ ສປປ ລາວ.

#108Jobs #VIPO #E2Eby108Jobs