ປະກາດຮັບສະໝັກພະນັກງານ — ຕໍາແໜ່ງ ຜູ້ຊ່ວຍບັນຊີ ແລະ ກວດສອບ

ບໍລິສັດ ແອັກມິນ ທີ່ປຶກສາ ແລະ ບໍລິການ ຈໍາກັດ (ACCMIN Consulting and Services Co., Ltd.) ເປັນບໍລິສັດທີ່ປຶກສາ ທີ່ເນັ້ນການເຕີບໂຕແບບຍືນຍົງ ໃນ ສປປ ລາວ. ພວກເຮົາໃຫ້ບໍລິການດ້ານບັນຊີ, ກວດສອບ, ການປະເມິນຜົນການດຳເນີນງານ ແລະ ການຄຸ້ມຄອງການເງິນ ຢ່າງຄົບວົງຈອນ ເຊັ່ນ: ການສ້າງ ແລະ ທົບທວນລະບົບ, ການປະເມີນຄວາມສ່ຽງ, ການກະກຽມລາຍງານການເງິນ ແລະ ການສ້າງຄວາມອາດສາມາດ ໃຫ້ແກ່ລູກຄ້າທັງພາຍໃນ ແລະ ສາກົນ. ລູກຄ້າຂອງພວກເຮົາປະກອບມີ ໂຄງການທີ່ໄດ້ຮັບທຶນຈາກຜູ້ໃຫ້ທຶນ, ອົງການບໍ່ສະແຫວງຫາຜົນກໍາໄລ, ວິສາຫະກິດເອກະຊົນ ແລະ ສະຖາບັນການເງິນຈຸລະພາກ.

ເນື່ອງຈາກຈໍານວນລູກຄ້າເພີ່ມຂຶ້ນ, ບໍລິສັດຈຶ່ງມີຄວາມຕ້ອງການຮັບສະໝັກພະນັກງານ ທີ່ມີຄວາມກະຕືລືລົ້ນ ແລະ ມັກການຮຽນຮູ້ຢ່າງຕໍ່ເນື່ອງ ເພື່ອເຂົ້າຮ່ວມທີມງານກວດສອບ ແລະ ຮັບປະກັນ.

ໜ້າທີ່ ແລະ ຄວາມຮັບຜິດຊອບຫຼັກ

ພາຍໃຕ້ການຊີ້ນໍາຂອງຫົວໜ້າທີມງານ, ທ່ານຈະ:

ວຽກງານກວດສອບ ແລະ ຮັບປະກັນ

• ຊ່ວຍກະກຽມແຜນການກວດສອບ ແລະ ລາຍການເອກະສານທີ່ຕ້ອງການຈາກລູກຄ້າ
• ປະຕິບັດວຽກກວດສອບພາກສະໜາມ ໃນພາກສ່ວນທີ່ໄດ້ຮັບມອບໝາຍ ເຊັ່ນ: ເງິນສົດ ແລະ ທະນາຄານ, ລູກໜີ້, ເຈົ້າໜີ້, ຊັບສົມບັດຄົງທີ່, ເງິນເດືອນ ແລະ ລາຍຈ່າຍຈາກທຶນຊ່ວຍເຫຼືອ
• ເກັບກໍາ, ກວດກາ ແລະ ບັນທຶກຫຼັກຖານການກວດສອບ ໃນເອກະສານເຮັດວຽກແບບເອເລັກໂຕຣນິກ ແລະ ລະບົບກວດສອບອອນລາຍ
• ທົດສອບລາຍການທຸລະກໍາ ໃຫ້ສອດຄ່ອງກັບນະໂຍບາຍຂອງລູກຄ້າ, ຄູ່ມືການຈັດຊື້ ແລະ ສັນຍາທຶນຊ່ວຍເຫຼືອຂອງຜູ້ໃຫ້ທຶນ
• ຊ່ວຍສັງລວມຜົນການກວດສອບ ແລະ ຮ່າງບາງພາກສ່ວນຂອງບົດລາຍງານການກວດສອບ ແລະ ຈົດໝາຍແນະນໍາຕໍ່ຄະນະບໍລິຫານ
• ຕິດຕາມບັນຫາທີ່ຍັງຄ້າງກັບລູກຄ້າ ໃນລະຫວ່າງການປະຕິບັດວຽກ
• ຈັດເກັບແຟ້ມເອກະສານເຮັດວຽກ ໃຫ້ເປັນລະບົບ ແລະ ຄົບຖ້ວນ ຕາມຄູ່ມືການຄຸ້ມຄອງຄຸນນະພາບຂອງ ACCMIN ແລະ ມາດຕະຖານການກວດສອບສາກົນ (ISA)

ວຽກງານບັນຊີ ແລະ ທີ່ປຶກສາ

• ຊ່ວຍວຽກບັນທຶກບັນຊີ, ການກະທົບຍອດທະນາຄານ ແລະ ການກະກຽມລາຍງານການເງິນໃຫ້ລູກຄ້າ
• ສະໜັບສະໜູນການທົບທວນ ແລະ ການສ້າງລະບົບບັນຊີ ແລະ ລະບົບຄວບຄຸມພາຍໃນ
• ກະກຽມຕາຕະລາງ, ບົດວິເຄາະ ແລະ ລາຍງານຕ່າງໆ ຕາມການມອບໝາຍຂອງທີມງານ

ວຽກງານທົ່ວໄປ

• ພົວພັນກັບລູກຄ້າຢ່າງເປັນມືອາຊີບ ທັງແບບເຊີງໜ້າ ແລະ ອອນລາຍ
• ເຂົ້າຮ່ວມການຝຶກອົບຮົມພາກປະຕິບັດຕົວຈິງ ແລະ ກິດຈະກໍາສ້າງຄວາມອາດສາມາດຂອງບໍລິສັດ
• ປະຕິບັດໜ້າທີ່ອື່ນໆ ຕາມການມອບໝາຍ

ຄຸນສົມບັດ ແລະ ເງື່ອນໄຂ

ຄຸນສົມບັດທີ່ຈໍາເປັນ

• ຈົບປະລິນຍາຕີ ສາຂາບັນຊີ, ການເງິນ, ກວດສອບ, ກົດໝາຍ ຫຼື ສາຂາທີ່ກ່ຽວຂ້ອງ
• ມີປະສົບການດ້ານບັນຊີ ຫຼື ກວດສອບ 0–2 ປີ (ນັກສຶກສາຈົບໃໝ່ທີ່ມີຜົນການຮຽນດີ ສາມາດສະໝັກໄດ້)
• ມີຄວາມເຂົ້າໃຈພື້ນຖານຫຼັກການບັນຊີ; ມີຄວາມຮູ້ກ່ຽວກັບ IFRS, IPSAS ຫຼື ISA ຈະພິຈາລະນາພິເສດ
• ນໍາໃຊ້ຄອມພິວເຕີໄດ້ດີ, ໂດຍສະເພາະ Microsoft Excel ແລະ Word
• ສາມາດເວົ້າ ແລະ ຂຽນ ພາສາລາວ ໄດ້ດີ, ຖ້າໄດ້ພາສາອັງກິດຈະພິຈາລະນາພິເສດ
• ພ້ອມເດີນທາງໄປປະຕິບັດວຽກຢູ່ສະຖານທີ່ຂອງລູກຄ້າໃນນະຄອນຫລວງວຽງຈັນ ແລະ ຕ່າງແຂວງ

ຄຸນສົມບັດທີ່ພິຈາລະນາພິເສດ

• ກໍາລັງສຶກສາ Lao CPA, ACCA, CPA ຫຼື ວຸດທິທຽບເທົ່າ
• ມີປະສົບການຝຶກງານ ຫຼື ເຮັດວຽກ ຢູ່ບໍລິສັດກວດສອບ, ໂຄງການທີ່ໄດ້ຮັບທຶນຊ່ວຍເຫຼືອ, ອົງການຈັດຕັ້ງທີ່ບໍ່ແມ່ນລັດຖະບານ ຫຼື ສະຖາບັນການເງິນຈຸລະພາກ
• ມີປະສົບການນໍາໃຊ້ໂປຣແກຣມບັນຊີ ແລະ ກວດສອບ

ຄຸນລັກສະນະສ່ວນບຸກຄົນທີ່ພວກເຮົາໃຫ້ຄວາມສຳຄັນ:

• ຄວາມຊື່ສັດ ແລະ ການຍຶດໝັ້ນຈັນຍາບັນວິຊາຊີບ ແລະ ການຮັກສາຄວາມລັບ
• ຄວາມເຊື່ອໝັ້ນໄດ້ ແລະ ຄວາມລະອຽດຖີ່ຖ້ວນ
• ຄວາມເປັນເຈົ້າຕົນເອງ ແລະ ຄວາມກະຕືລືລົ້ນ ໃນການຮຽນຮູ້
• ແນວຄິດສ້າງສັນ ແລະ ການແກ້ໄຂບັນຫາ
• ສາມາດເຮັດວຽກໃຫ້ທັນກໍານົດເວລາ, ເຮັດຫຼາຍວຽກພ້ອມກັນ ແລະ ເຮັດວຽກເປັນທີມພາຍໃຕ້ຄວາມກົດດັນໄດ້

ສິ່ງທີ່ພວກເຮົາສະໜອງໃຫ້:

• ການຝຶກອົບຮົມ ແລະ ການເປັນພີ່ລ້ຽງຢ່າງເປັນລະບົບ, ລວມທັງລະບົບບັດດີ້ (Buddy) ສໍາລັບພະນັກງານໃໝ່
• ການສະໜັບສະໜູນການພັດທະນາວິຊາຊີບ ແລະ ການຮຽນ CPA
• ໂອກາດໄດ້ຮຽນຮູ້ມາດຕະຖານສາກົນ (IFRS, IPSAS, ISA) ແລະ ເຮັດວຽກກັບລູກຄ້າທີ່ຫຼາກຫຼາຍ
• ເງິນເດືອນ ແລະ ສະຫວັດດີການທີ່ເໝາະສົມ ຕາມນະໂຍບາຍຂອງ ACCMIN ແລະ ກົດໝາຍວ່າດ້ວຍແຮງງານ ຂອງ ສປປ ລາວ, ລວມທັງປະກັນສັງຄົມ ພາຍຫຼັງຜ່ານໄລຍະທົດລອງວຽກ

ວິທີການສະໝັກ

ກະລຸນາສົ່ງເອກະສານດັ່ງນີ້:

• ສະມັກຕາມແບບຟອມໃນລີງ: https://forms.gle/J4vRhkuyq7vtF8Tp8
• ກໍານົດປິດຮັບສະໝັກ: ວັນທີ 15 ຕຸລາ 2026
• ສອບຖາມຂໍ້ມູນເພີ່ມເຕີມ: contactus@accminlao.com

ສະເພາະຜູ້ສະໝັກທີ່ຜ່ານການຄັດເລືອກເບື້ອງຕົ້ນ ຈຶ່ງຈະໄດ້ຮັບການຕິດຕໍ່ ເພື່ອເຂົ້າສອບເສັງຂຽນ ແລະ ສໍາພາດ.

ACCMIN ໃຫ້ໂອກາດທີ່ສະເໝີພາບໃນການຈ້າງງານ. ພວກເຮົາຄັດເລືອກຜູ້ສະໝັກ ໂດຍອີງໃສ່ຄວາມສາມາດ ແລະ ທັດສະນະຄະຕິ ໂດຍບໍ່ຈໍາແນກ ເພດ, ອາຍຸ, ຊົນເຜົ່າ, ສາສະໜາ, ຄວາມພິການ ຫຼື ສະຖານະອື່ນໆ. ຜູ້ທີ່ໄດ້ຮັບການຄັດເລືອກ ຈະຕ້ອງລົງນາມໃນໃບຢັ້ງຢືນຄວາມເປັນເອກະລາດ ແລະ ການຮັກສາຄວາມລັບ ຕາມຂໍ້ກໍານົດການຄຸ້ມຄອງຄຸນນະພາບຂອງບໍລິສັດ.