ບໍລິສັດ ອິອອນ ບໍລິການເຊົ່າສິນເຊື່ອ (ລາວ) ຈຳກັດ (Aeon Leasing Service (Lao) Company Limited)) ໄດ້ຮັບອະນຸຍາດຈົດທະບຽນໃນປະເທດລາວ ແລະ ເລີ່ມທຸລະກິດຕັ້ງແຕ່ວັນທີ 18 ຕຸລາ 2013 ລົງທຶນໂດຍ ບໍລິສັດ ອິອອນ ທະນະສິນຊັບ (ປະເທດໄທ) ຈໍາກັດ (ມະຫາຊົນ) ແລະ ກຸ່ມບໍລິສັດໃນເຄືອອິອອນ.

ອິອອນ ກຣຸບ (AEON Group) ແມ່ນກຸ່ມທຸລະກິດຜູ້ຄ້າລາຍຍ່ອຍທີ່ໃຫຍ່ທີ່ສຸດໃນປະເທດຍີ່ປຸ່ນ ໂດຍໄດ້ເລີ່ມດຳເນີນທຸລະກິດມາຕັ້ງແຕ່ປີ 1758 ຈົນມາຮອດປະຈຸບັນ ໂດຍມີຫຼາກຫຼາຍກຸ່ມທຸລະກິດທີ່ໄດ້ຂະຫຍາຍໄປໃນກຸ່ມປະເທດອາຊີ ເຊິ່ງປະກອບດ້ວຍທຸລະກິດຮ້ານຂາຍສີນຄ້າທົ່ວໄປ, ທຸລະກິດຊຸບເປີມາເກັດ, ທຸລະກິດດ້ານສຸຂະພາບ, ທຸລະກິດດ້ານຜູ້ພັດທະນາ, ທຸລະກິດການບໍລິການ ແລະ ຮ້ານຄ້າພິເສດ, ທຸລະກິດລະຫວ່າງປະເທດ ແລະ ລວມເຖິງກຸ່ມທຸລະກິດການເງິນເຊັ່ນ: ທະນາຄານ, ກຸ່ມບໍລິສັດ ບັດເຄຣດິດ, ບໍລິສັດການເງິນກູ້ສ່ວນບຸກຄົນ ແລະ ບໍລິການອື່ນໆ. ຈາກຄວາມສຳເລັດໃນປະເທດຢີ່ປຸ່ນ ຈຶ່ງໄດ້ຈົດທະບຽນໃນຕະຫຼາດຫຼັກຊັບໂຕກຽວ ແລະ ປະຈຸບັນ AEON Financial Services Company Limited ໄດ້ສະຫນັບສະຫນູນການຂະຫຍາຍທຸລະກິດການເງິນໄປປະເທດຕ່າງໆໃນອາຊີ ເຊັ່ນ: ຮ່ອງກົງ, ມາເລເຊຍ, ໄທ, ຟີລິບປິນ, ອິນໂດເນເຊຍ, ຈີນ, ໄຕ້ຫວັນ, ຫວຽດນາມ, ກໍາປູເຈຍ, ອິນເດຍ, ມຽນມ້າ ແລະ ລາວ ຕາມລໍາດັບ.

ບໍລິສັດ ອິອອນ ບໍລິການເຊົ່າສິນເຊື່ອ (ລາວ) ຈຳກັດ ດຳເນີນທຸລະກິດ ໂດຍການໃຫ້ບໍລິການ ທາງການເງິນສິນເຊື່ອລາຍຍ່ອຍແກ່ລູກຄ້າ ປະຊາຊົນຜູ້ທີ່ຕ້ອງການໃຊ້ບໍລິການສິນເຊື່ອໃນການຜ່ອນສິນຄ້າ ຈາກກຸ່ມຮ້ານຄ້າຕົວແທນຫຼາຍປະເພດເຊັ່ນ: ກຸ່ມສິນຄ້າ ເຄື່ອງໃຊ້ໄຟຟ້າ, ຄອມພິວເຕີ, ໂນດບຸກ, ໂທລະສັບມືຖື, ເຄື່ອງໃຊ້ສຳນັກງານ, ເຟີນິເຈີ, ລົດຖີບ, ລົດຈັກ, ຄຳ ແລະ ລົດໃຫຍ່. ລວມເຖິງບໍລິການສິນເຊື່ອສິນຄ້າປະເພດໃໝ່ທີ່ຈະຂະຫຍາຍເພີ່ມໃນອະນາຄົດ ປະຈຸບັນພວກເຮົາມີຮ້ານຄ້າ ແລະ ຄູ່ຮ່ວມທາງທຸລະກິດຫຼາຍກວ່າ 300 ຮ້ານຄ້າ ແລະ ຈຳນວນລູກຄ້າແມ່ນນັບມື້ນັບເພີ່ມຂື້ນເລື້ອຍໆ. ສຳລັບສຳນັກງານໃຫຍ່ ຕັ້ງຢູ່ທີ່ອາຄານໃນໂຄງການສະກາຍຊິດຕີ້ ບ້ານສີບຸນເຮືອງ ເມືອງຈັນທະບູລີ ນະຄອນຫຼວງວຽງຈັນ. ອິອອນລາວໃຫ້ບໍລິການສິນເຊື່ອໃນພື້ນທີ່ເຂດນະຄອນຫຼວງວຽງຈັນ, ແຂວງວຽງຈັນ, ພື້ນທີ່ເຂດປາກເຊ, ສະຫວັນນະເຂດ ແລະ ຍັງມີແຜນຂະຫຍາຍຕົວຢ່າງຕໍ່ເນື່ອງໃນອານາຄົດອັນໃກ້ນີ້.

108 Jobs

Corporate Planning and Budget Control

AEON Leasing Service (Lao) Co., Ltd