ຕຳແໜ່ງ: ພະນັກງານຂັບລົດ - ລະດັບ 2

• ມາຮ່ວມເປັນສ່ວນໜຶ່ງຂອງບໍລິສັດຂຸດຄົ້ນບໍ່ແຮ່ທີ່ມີປະສິດທິພາບສູງ, ສະພາບແວດລ້ອມຂອງການເຮັດວຽກກັບທີມງານທີ່ມີຄວາມຫລາກຫລາຍທາງດ້ານວັດທະນະທໍາ
• ເຂົ້າຮ່ວມທີມຂອງພວກເຮົາທີ່ມີບົດບາດທີ່ໜ້າສົນໃຈດ້ວຍກົດລະບຽບ ແລະ ມາດຕະຖານຄວາມປອດໄພທີ່ກຳນົດໂດຍ ພູເບ້ຍ ມາຍນິ້ງ
• ມີແພັກເກັດເງິນເດືອນ ແລະ ສະຫວັດດີການທີ່ຫລາກຫລາຍ(ຢູ່ສະໜາມພູຄໍາ ແລະ ສະໜາມບ້ານຫ້ວຍຊາຍ, 20 ມື້ ເຮັດວຽກ, 8 ມື້ ພັກ)

ຕໍາແໜ່ງນີ້ແມ່ນເປີດໂອກາດໃຫ້ຜູ້ສະໝັກສັນຊາດລາວເທົ່ານັ້ນ        

ບໍລິສັດແພນອອສຈໍາກັດແມ່ນຜູ້ຜະລິດທອງ ແລະ ຄໍາເຊິ່ງມີສໍານັກງານໃຫຍ່ຢູ່ປະເທດອອສເຕເລຍ, ມີການພັດທະນາແລະສໍາຫຼວດໃນປະເທດລາວ ມຽນມາ ແລະ ປາປົວນິວກິເນຍ. ບໍລິສັດໄດ້ສຸມໃສ່ຮູບແບບໃນການດໍາເນີນທຸລະກິດແບບຍືນຍົງທີ່ກ່ຽວຂ້ອງກັບການຜະລິດ ການຂາຍທອງແດງ ແລະ ຄໍາ ການກະຈາຍເປົ້າໝາຍຂອງການຜະລິດ ແລະ ການເຕີບໃຫຍ່ຂະຫຍາຍຕົວ. 

ໃນປະເທດລາວແພນອອສຖືຫຸ້ນ 90 ສ່ວນຮ້ອຍ ໃນບໍລິສັດພູເບ້ຍມາຍນິ້ງເຊິ່ງຈົດທະບຽນໃນປະເທດລາວ. ລັດຖະບານລາວແມ່ນເປັນເຈົ້າຂອງຢູ່10 ສ່ວນຮ້ອຍ. ພູເບ້ຍ ມາຍນິ້ງເປັນເຈົ້າຂອງ ແລະ ດໍາເນີນການຢູ່ເຂດດໍາເນີນການຂຸດຄົ້ນທອງແດງ-ຄໍາຢູ່ພູຄໍາ ແລະ ເຂດດໍາເນີນການຂຸດຄົ້ນຄໍາ-ເງິນບ້ານຫ້ວຍຊາຍ.

ນີ້ແມ່ນໂອດການທີ່ດີໃນການຮ່ວມວຽກນໍາບໍລິສັດພູເບ້ຍມາຍນິ້ງ. ໜ່ວຍຜະລິດທອງແດງ-ຄໍາຢູ່ພູຄໍາ ແລະ ໜ່ວຍຜະລິດຄໍາ-ເງິນຢູ່ບ້ານຫ້ວຍຊາຍຂອງບໍລິສັດແມ່ນມີຄວາມປອດໄພລະດັບໂລກໃນການປະຕິບັດ ແລະ ການດໍາເນີນງານ. ບໍລິສັດແມ່ນສຸມໃສ່ໃນການສືບຕໍ່ດໍາເນີນງານກ່ຽວກັບຂໍ້ຄົງຄ້າງຢ່າງຕໍ່ເນື່ອງ ແລະ ມີການພັດທະນາແຜນປິດບໍ່ທີ່ມີຜົນດໍາເນີນງານແບບຍືນຍົງໃຫ້ລັດຖະບານ ແລະ ປະຊາຊົນລາວ.

ການຮ່ວມເຮັດວຽກນໍາທີມງານຂອງພູເບ້ຍມາຍນິ້ງ ທ່ານຈະມີໂອກາດໄດ້ເຮັດວຽກນໍາສະພາບແວດລ້ອມເພື່ອນຮ່ວມງານທີ່ມີຄວາມຫຼາກຫຼາຍວັດທະນະທຳ ທ່ານຈະໄດ້ຮັບການສະໜັບສະໜູນການເຝິກອົບຮົມ ແລະ ການພັດທະນາໂດຍພະນັກງານຕ່າງປະເທດ ແລະ ຫົວໜ້າຄົນລາວທີ່ມີປະສົບການ ແລະ ເຈົ້າຈະໄດ້ຮັບການພັດທະນາປັບປຸງທັກສະດ້ານພາສາອັງກິດອີກດ້ວຍ ນອກຈາກນີ້ທ່ານຈະໄດ້ຮັບຜົນຕອບແທນເປັນເງິນເດືອນແລະ ຜົນປະໂຫຍດຫຼາກຫຼາຍລວມທັງປະກັນສຸຂະພາບທີ່ຄຸ້ມກັນຄອບຄົວ ແລະ ຍັງມີໂບນັດໃນການເຮັດວຽກງານນໍາອີກ

ພວກເຮົາສະເໜີໂອກາດໃນການເຮັດວຽກທີ່ແຕກຕ່າງຫຼາກຫຼາຍຢູ່ທີ່ບໍ່ຂຸດຄົ້ນ, ການສໍາຫຼວດພາກສະໜາມ ແລະ ຢູ່ຫ້ອງການວຽງຈັນຂອງພວກເຮົາບໍລິສັດພວກເຮົາແມ່ນໃຫ້ຄວາມສໍາຄັນກ່ຽວກັບຄວາມຫຼາກຫຼາຍ. ດັ່ງນັ້ນ, ພວກເຮົາຈິ່ງຂໍແນະນໍາໃຫ້ຜູ້ຍິງສະໝັກໃນຕໍາແໜ່ງທີ່ວ່າງທັງໝົດ 

ພວກເຮົາມີທີ່ພັກທີ່ທັນສະໄໝຢູ່ທາງພາກສະໜາມ ມີບໍລິການອາຫານ ທັງອາຫານລາວ, ອາຫານເອເຊຍ, ແລະ ອາຫານຕາເວັນຕົກ; ມີກິລາ ແລະ ສິ່ງອໍານວຍຄວາມສະດວກຄົບທັນສະໄໝ ແລະ ມີໜ່ວຍງານໃຫ້ບໍລິການທໍາຄວາມສະອາດ ພະນັກງານທີ່ເຮັດວຽກປະຈໍາຢູ່ພາກສະໜາມແມ່ນເຮັດວຽກ 20 ມື້ ພັກ 8 ມື້ ຫຼື ເຮັດວຽກ 14 ມື້ ພັກ 7 ມື້ ສໍາລັບການເຮັດວຽກເປັນຜຽນ ການເຮັດວຽກຢູ່ຫ້ອງການວຽງຈັນແມ່ນເຮັດວຽກ 5 ມື້ ຕໍ່ອາທິດ ພັກ 2 ມື້. 

ລາຍງານວຽກຫາຫົວໜ້າຄຸມງານພາກສະໜາມ, ໜ້າທີ່ຮັບຜິດຊອບຂອງຕຳແໜ່ງນີ້ແມ່ນການຂັບລົດ Sadko ແລະ ລົດເບົາ ເພື່ອບໍລິການ ແລະ ສະໜອງການຂົນສົ່ງທົ່ວທຸກພາກສະໜາມ.

ໜ້າທີ່ຮັບຜິດຊອບມີດັ່ງນີ້:

• ຂັບລົດບັນທຸກ Sadko ຫຼື ລົດເບົາ ເພື່ອຮັບ-ສົ່ງພະນັກງານຈາກທີ່ພັກໄປຫາສະຖານທີ່ເຮັດວຽກ.
• ກວດກາ, ຮັກສາຄວາມສະອາດ ແລະ ຮັກສາລົດທຸກມື້ຫຼັງຈາກໃຊ້ງານ.
• ປະຕິບັດຕາມກົດລະບຽບ ແລະ ຂັ້ນຕອນທີ່ທາງບໍລິສັດວາງອອກ.

ຄຸນນະສົມບັດທີ່ຄວນມີສໍາລັບຕໍາແໜ່ງນີ້:

• ມີປະສົບການໃນການຂັບລົດເບົາ, ລົດ 6 ລໍ້ ຫຼື ລົດ Sadko ເປັນເວລາ 2 ປີຂຶ້ນໄປ
• ມີປະສົບການໃນການຂັບລົດບັນທຸກ ຫຼື ກົນຈັກໜັກໃນເໝືອງ ຈະພິຈາລະນາເປັນພິເສດ
• ຕ້ອງມີໃບອະນຸຍາດຂັບຂີ່ປະເພດ ABC
• ມີຄວາມຫ້າວຫັນ ແລະ ພ້ອມຈະຮຽນຮູ້ສິ່ງໃໝ່ໆ

ຖ້າທ່ານສົນໃຈກະລຸນາສະໝັກຜ່ານທາງເວັບໄຊ້ອອນລາຍຂອງພວກເຮົາໄດ້ທີ່ລິ້ງຂ້າງລຸ່ມນີ້:

https://career10.successfactors.com/sfcareer/jobreqcareer?jobId=16890&company=PanAust 

ຫຼື ສາມາດສົ່ງໃບສະໝັກຂອງທ່ານຜ່ານທາງອີເມລ: Carry.Sengtahueanghoung@pbm.panaust.com ຫຼື ຜ່ານທາງເບີ: 020 2811 9095 

ກະລຸນາດາວໂຫຼດໃບສະໝັກຂອງພວກເຮົາຜ່ານທາງລິ້ງ: ກົດລິ້ງເພື່ອດາວໂຫຼດແບບຟອມ