ບໍລິສັດ ຢາສູບລາວ ຈຳກັດ ເປັນບໍລິສັດຮ່ວມທຶນກັບຕ່າງປະເທດ ເຊິ່ງເຊັນສັນຍາໃນປີ 2001 ລະຫວ່າງລັດຖະບານ ສປປລາວ ແລະ ກຸ່ມບໍລິສັດ ອິມພີຣຽວ ຈາກປະເທດອັງກິດ ເຊິ່ງເປັນກຸ່ມບໍລິສັດຜະລິດຢາສູບທີ່ໃຫຍ່ເປັນອັນດັບ 04 ຂອງໂລກ, ທີ່ມີພະນັກງານທັງໝົດ 33,000 ຄົນ ທີ່ເຄື່ອນໄຫວທຸລະກິດໃນ160 ປະເທດທົ່ວໂລກ. ໃນນັ້ນມີຜູ້ຖືຮຸ້ນ 03 ພາກສ່ວນ: ລັດຖະບານແຫ່ງ ສປປ ລາວ 47%, ບໍລິສັດ Coralma Int’l – ITG (UK) 34% ແລະ ບໍລິສັດ S3T (Singapore) 19%. ບໍລິສັດ ຢາສູບລາວ ຈຳກັດ, ມີພະນັກງານທັງໝົດ 300 ຄົນ ທີ່ມີເພື່ອນຮ່ວມງານຫຼາກຫຼາຍທາງດ້ານປະສົບການ, ວັດທະນະທຳທີ່ແຕກຕ່າງກັນ ແລະ ມີການເສີມສ້າງພະນັກງານໃຫ້ມີທັກສະຄວາມຮູ້ຄວາມສາມາດ, ໃຫ້ຄ່າຕອບແທນທີ່ດີ ແລະ ຊ່ວຍເຫຼືອຄອບຄົວຂອງພະນັກງານຕະຫຼອດມາ. ສະນັ້ນ, ທ່ານສາມາດໝັ້ນໃຈໄດ້ວ່າພວກເຮົາແມ່ນ ບໍລິສັດ ທີ່ຫຼາຍໆທ່ານທີ່ຢາກເລືອກຮ່ວມງານນຳ.